Венесуэла президенті Николас Мадуро АҚШ-тың қауіп-қатері мен әскери қысымына жауап ретінде елдегі 4,5 миллион адамнан тұратын Боливар ұлттық жасақтарын толық мобилизациялауды жариялады.

Бұл шешімнің басты себебі АҚШ-тың Латын Америкасындағы, соның ішінде Венесуэладағы «наркокартельдерге» қарсы әскери операциялар бастауға дайындық жариялауы болды. Мадуро бұл әрекетті ұлттық егемендікті қорғау әрі тыныштықты сақтау шарасы ретінде сипаттап, АҚШ-тың «империализміне» қарсы қатаң ұстанымын білдірді.

23–24 тамыз күндері елде еріктілерді тіркеу және қызметке шақыру басталады.

Бұған дейін Дональд Трамп Пентагонға Латын Америкасында, соның ішінде Венесуэлада орналасқан наркокартельдерге соққы беру үшін дайындық жүргізуді тапсырған болатын.