Халықаралық Криосфера Климат бастамасы (ICCI) әлеуметтік желіде Венесуэладағы жалғыз қалған Хумбольдт немесе Карона мұздықтарын мұздық деп атауға болмайтын тым кішкентай екенін жариялады.

Венесуэла өткен ғасырда 6 мұздықтан айырылған еді. Соңғы Карона мұздығы 450 гектардан небәрі 2 гектар ғана қалған, нәтижесінде мұздық «мұзды алқап» ретінде қайта жіктелді.

Мұздықтың ең төменгі өлшемін көрсететін жаһандық стандарт болмаса да, АҚШ-тың геологиялық қызметі әдетте мұздықтың көлемі шамамен 10 гектар болуы керектігін мәлімдеген.

Лондон университет колледжінің жер жүйесі ғылымдарының профессоры Марк Маслиннің айтуынша, Хумбольдт сияқты мұз алаңы – екі футбол алаңына тең – сондықтан енді ол «мұздық емес». «Мұздықтар болуы үшін олар аңғарларды қаптап тұруы керек. Сондықтан Венесуэлада мұздықтар жоқ деп айтуға болады», - дейді ғалым.

Жер бетіндегі мұздықтардан айырылу ықтималдығы жоғары келесі елдер Индонезия, Мексика және Словения болуы мүмкін.

Өйткені бұл елдер экваторға салыстырмалы түрде жақын орналасқан және олардың таулары салыстырмалы түрде аласа. Сондықтан олардағы мұздықтардың еру ықтималдығы жоғары. Венесуэладағы сияқты шағын мұздықтар жаһандық жылынуда маңызды рөл атқармаса да, олар орналасқан аймақтағы халықты, әсіресе жылы мезгілде таза ауыз сумен қамтамасыз етуде маңызды.