Велоспорт бўйича Ўзбекистон терма жамоаси аъзоси Янина Кускова Италияда велошоссе бўйича ўтказилган "Trofeo Ponente in Rosa" кўп кунлик пойгасида совриндорлар қаторидан жой олиб, "Париж-2024" Олимпиадаси рейтинг очколарини қўлга киритди.

Мазкур мусобақада Кускова дунёнинг энг кучли спортчилари билан баҳс олиб борди ва турнирни 2-ўрин билан якунлади. "Trofeo Ponente in Rosa" кўп кунлик пойгаси ғолиблигига "Токио-2020" Олимпиадаси олтин медаль соҳиби швейцариялик Ёланда Нефф эришди.  

Т.Рўзиев,  

ЎзА