Тошкент вилоятида велоспорт бўйича ўтказилаётган Ўзбекистон чемпионатининг 23 ёшгача бўлган ёшлар ўртасидаги гуруҳ пойгаси кутилмаган натижаларга бой бўлди.

Велопойгачилар шоссе йўналиши гуруҳ пойгасининг эркаклар баҳсида 123 км масофани Дмитрий Бочаров биринчи бўлиб босиб ўтди ва олтин медалга сазовор бўлди. Шунингдек, маррага ундан кейин келган Бегзод Раҳимбоев ва Эдем Эминов кумуш ҳамда бронза медали соҳибига айланди.

Аёллар терма жамоаси велоспортчилари 93 км масофани босиб ўтди. Унда София Каримова, Шаҳноза Абдуллаева, Мадина Қаҳҳорова шоҳсупага кўтарилди.  

Ж. Тошхўжаев, ЎзА