Osiyo velosport konfederatsiyasi (ACC) boshqaruv kengashi yig‘ilishida trek bo‘yicha 2028-yili o‘tkaziladigan Osiyo chempionatiga O‘zbekiston mezbonlik qilishi tasdiqlandi.

Anjumanda O‘zbekiston qit’a chempionati kabi yirik turnirlarni o‘zida bemalol qabul qila olishi, buning uchun kerakli infratuzilma va barcha sharoitlar borligi ta’kidlandi.

Musobaqani o‘tkazish uchun maxsus sertifikat O‘zbekiston velosport federatsiyasi bosh kotibi Xurshid Atakulovga topshirildi.

Olimpiya o‘yinlariga litsenzion reyting ochkolarini taqdim etuvchi mazkur nufuzli turnir Toshkentda yangi bunyod etilgan “Olimpiya shaharchasi” hududidagi velodromda bo‘lib o‘tishi rejalashtirilmoqda.

T.Ro‘ziyev, O‘zA