Toshkent viloyatida velosport bo‘yicha erkaklar va ayollar o‘rtasida o‘tkazilayotgan O‘zbekiston kubogining ikkinchi bosqichida shosse yo‘nalishi aralash guruh estafetasi g‘olib va sovrindorlari aniqlandi.

Mazkur musobaqada ayollar va erkaklar guruhining har biri 20 kilometr masofaga raqobatlashdi. Unda Madina Qahhorova, Asal Rizayeva, Anna Kuskova, Daniil Fedorov, Farrux Bobosherov va Maksim Mingazitdinovdan tashkil topgan Toshkent shahri jamoasi marraga birinchi bo‘lib yetib keldi. Shuningdek, poygada Toshkent va Sirdaryo viloyatlari jamoalari ikkinchi hamda uchinchi pog‘onadan joy oldi.  

O‘zbekiston kubogining bugungi bahslarida “IRR” poygalari o‘tkaziladi. Unda erkaklar 120, ayollar esa 80 km masofaga raqobatlashadi.  

Javohir Toshxo‘jayev,  

O‘zA muxbiri