Hindistonda davom etayotgan velosportning trek yo‘nalishi bo‘yicha kattalar va yoshlar o‘rtasidagi Osiyo chempionatining medison dasturida guruh poygalari o‘tkazildi.

Unda ishtirok etgan terma jamoamiz a’zolari Olga Zabelinskaya hamda Nafosat Qo‘ziyeva marraga ikkinchi bo‘lib yetib keldi va delegatsiyamiz hisobiga navbatdagi kumush medalni qo‘shib qo‘ydi. Poygada Yaponiya terma jamoasi oltin, Gonkong termasi esa bronza medalini qo‘lga kiritdi.

Hozirda delegatsiyamiz hisobida 4 kumush va 2 bronza, jami 6 ta medal mavjud.

Javohir Toshxo‘jayev, O‘zA