“Оқтош-Чорвоқ Моунтаин” кўпкунлик мусобақасининг яна бир куни ортда қолди. Аёллар 130 километр, эркаклар 170 километр масофада гуруҳ пойгаси йўналишида ўзаро баҳслашди.

Аҳамиятлиси, аёллар ўртасида кечган қизиқарли пойгада ҳамюртимиз Маргарита Мисюрина маррага биринчи бўлиб етиб келди. Юртдошимиздан 1 сония кейин финишга келган қозоғистонлик Рината Султонова иккинчи ўринни эгаллаган бўлса, София Каримова кучли учликни якунлаб берди.  

Эслатиб ўтамиз, турнирнинг 1-босқичида спортчилар спринтерлик маҳоратини кўрсатиб, 9,5 километрга шахсий вақт бўйича беллашган эди. Унда ҳам эркаклар, ҳам аёллар ўртасидаги беллашувларда Ўзбекистон терма жамоаси вакиллари олтин медалга сазовор бўлган.  

А.Мусаев, ЎзА