Yaqinda koronavirus balosidan jabr chekkan oila haqida O‘zA muxbiri Anora Sodiqova tomonidan videolavha tayyorlangan edi.

Unda Shohista Abdumavlonovaning bir o‘g‘li bilan koronavirusga qarshi kurashish taassurotlari bayon etilgan.

Shuningdek, bolakay sportga qiziqishini ham aytib o‘tgan edi. Asosiysi, uning velosiped olish uchun yig‘ib qo‘ygan pullarini dori-darmonga ishlatishga majbur bo‘lgani ko‘pchilikni ta’sirlantirdi.

Ushbu videolavhaga olib chiqilgan oila Jismoniy tarbiya va sport vazirligining ham e’tiborini tortgan ekan. Kecha vazirlik mutasaddilari bolakayning kichkinagina orzularini ro‘yobga chiqarib unga bir olam xursandchilik ato etishdi.

Vazirining o‘rinbosari Nodir Murotovning o‘zi bolakayga velosiped sovg‘a qildi.

Shuningdek, bolaning qiziqishlarini inobatga olgan holda uni Bolalar va o‘smirlar sport maktabiga qabul qilishga ham va’da berishdi.

<iframe width="731" height="480" src="https://www.youtube.com/embed/4rF87_dYxDc" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>