Термизлик Салоҳиддин Шукуров – оддийгина велосипед созловчи уста. Давлат ишидан нафақага чиққач, устачиликка қўл урган. Ўзининг таъбири билан айтганда, “Пенсияни олиб, уйда даврон сурса ҳам бўлади, лекин эркак киши уйда бекор ўтириши уят”.

Унинг ёнига кўпинча ёш болалар носоз ёки бузилган велосипедларини олиб келади. Болаларни рози қилиш, хурсанд кўриш учун Салоҳиддин ака астойдил ҳаракат қилади, кези келса, хизмат ҳақини олмайди ҳам.  

[gallery-14594]

Уста ўз ишига меҳри баландлигини айта туриб, бу ишга қизиқадиганлар йўқлигидан ёзғиради.  

Болалар велосипед созлашни ўргатинг, деб келади, - дейди юзида табассум билан Салоҳиддин уста.  – Бир кун ўрганади, узоғи икки кунга боради. Чидолмайди, қочади. Устачиликка сабр-тоқат кераклигини тушунмайди.

<iframe width="560" height="315" src="https://www.youtube.com/embed/EV6AMBaIcBg?si=TMPmZpLf8ollXqbb" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Жонибек ҚЎЗИМУРОДОВ (сурат, видео),ЎзА