Давлат хизматини ривожлантириш агентлиги “Yurist ва kadr” НТМ билан ҳамкорликда вазирлик ва идоралар, маҳаллий давлат ҳокимияти органлари ҳамда вазирлик ва идораларнинг ҳудудий таркибий бўлинмаларининг 800 дан ортиқ кадрлар билан ишлаш тузилмалари раҳбарлари учун қисқа муддатли ўқув курслари бошланди.

Давлат хизматини ривожлантириш агентлиги томонидан “Yurist ва kadr” НТМ билан ҳамкорликда ташкил этилган ушбу ўқув курсидан мақсад маъмурий ислоҳотлар жараёнида янги таҳрирдаги Меҳнат кодексининг кучга кириши билан меҳнат муносабатларини тўғри ташкил этиш, ходимлар ва иш берувчилар ўртасидаги муносабатларга оид ҳуқуқий саводхонлигини оширишдан иборатдир.  

Ўқув курсини юқори савияда ўтказиш ва натижадорликка эришиш учун биринчи босқичда Агентликнинг марказий аппарати, вазирлик ва идораларнинг масъул ходимлари, иккинчи босқичда алоҳида режа-график асосида Агентликнинг ҳудудий филиаллари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳамда туман (шаҳар) ҳокимликлари, шунингдек, вазирлик ва идораларнинг ҳудудий таркибий бўлинмалари масъул ходимларига ташкил этиш режалаштирилган.  

М.Қосимова,  

ЎзА