Хабарингиз бор, юртимизнинг ҳар жабҳасида Мустақилликнинг 34 йиллигига бағишланган байрам тадбирлари “Ватан учун, миллат учун, халқ учун!” деган эзгу ғоя асосида ўтказиб, нишонланмоқда. Ана шундай тадбирлардан бири, Ўзбекистон Миллий кутубхонасида Миллий гвардия ҳарбийлари билан ҳамкорликда “Ватан учун яшайлик” номли маънавий-маърифий кеча ўтказилди.

Ҳар йили мустақиллик байрами Янги Ўзбекистон тараққиёти ва халқаро обрўсига мос тарзда ташкил этилиб, ушбу тадбирлар орқали миллий ўзлик, ватанпарварлик ва халқ бирдамлигини намоён этишга алоҳида эътибор қаратилади. Мазкур байрам Қорақалпоғистон, барча вилоятлар, шаҳар ва туманлар, қишлоқ ва овулларда умумхалқ шодлиги сифатида ўтказилади. Анъанавий "Она диёр – ранглар жилосида", "Ватан учун яшайлик!" ҳамда "Энг улуғ, энг азиз" каби кўрик-танловлар юксак савияда ташкил этилади. Улар орқали юртга садоқат, маданият ва анъаналар тарғиб этилади. Тадбирлар орқали халқни янада бирлаштириш, мустақиллик қадрини англаш ва миллий ғурурни мустаҳкамлашга алоҳида эътибор қаратилади. Ўзбекистон Миллий кутубхонасида ўтказилган тадбир ҳам ана шундай эзгу мақсадларга хизмат қилади деган умиддамиз.

<iframe width="1250" height="703" src="https://www.youtube.com/embed/7-tunHFWxJc" title="&quot;Vatan uchun yashaylik!&quot; ma’naviy-ma’rifiy kechasi o‘tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов, ЎзА