АҚШ Президенти Дональд Трамп "NBC News" телеканалига берган интервьюсида Украинага НАТО орқали қурол етказиб бериш таклифини илгари сурди.

«Биз НАТО қуролини юборяпмиз ва бу харажатни Альянснинг ўзи тўлиқ қоплайди», — деган Америка етакчиси. Ҳозирча "Патриот" русумли ва ўрта масофага учадиган ракеталардан иборат, тахминан, 300 миллион долларлик тўплам назарда тутилган.

Шунингдек, Трамп душанба куни Россия билан боғлиқ муҳим баёнот беришини эълон қилган. Гап нима ҳақда эканини эса аниқлаштирмади. Дарвоқе, сўнгги кунларда АҚШ раҳбарининг Владимир Путинга нисбатан муносабати ўзгаргани сезиляпти.

РФ ташқи ишлар вазири ўринбосари Сергей Рябков "РИА Новости" агентлигига "Трамп маъмуриятининг айрим масалаларга ёндашуви ноаниқ эса-да, Россия - Америка муносабатида ижобий ўсиш давом этаётгани"ни айтган.