Amerika Qo‘shma Shtatlarida amaliy tashrif bilan bo‘lib turgan O‘zbekiston Respublikasi tashqi ishlar vaziri Abdulaziz Komilov vatandoshimiz Saidahmad Arislanovga «Shuhrat» medalini va mamlakatimizning ushbu davlatdagi elchixonasi birinchi kotibi Faxriddin Mo‘minovga «Mehr-saxovat» ko‘krak nishonini tantanali ravishda topshirdi.

O‘zbekiston Respublikasi Prezidenti Shavkat Mirziyoyevning 2020 yil 27 avgustdagi farmoni bilan axborot texnologiyalariga ixtisoslashgan “ASO Systems” kompaniyasi rahbari Saidahmad Arislanov mamlakatning mustaqilligini mustahkamlash, iqtisodiy salohiyatini oshirish, yosh avlodni vatanga muhabbat ruhida tarbiyalashga qo‘shgan munosib hissasi, mustaqillik g‘oyalariga sadoqati, fidokorona mehnati, vatanparvarligi, jamoat hayotida faol ishtirok etishi orqali sazovor bo‘lgan sharaf va hurmat uchun «Shuhrat» medali bilan taqdirlangan edi.

O‘zA