АҚШ расмийлари Россия билан узоқ муддатли қарама-қаршиликка тайёрланмоқда.

Бу ҳақда Американинг “The New York Times” газетаси журналисти Дэвид Сангер маълум қилди, — деб ёзади “ТАСС”.

Журналист АҚШ мудофаа вазири Ллойд Остиннинг яқинда қилган баёнотига эътибор қаратди. Украинадаги воқеалар контекстида Вашингтоннинг мақсадлари ҳақида гапирар экан, Пентагон раҳбари АҚШнинг Россияни заифлаштириш режаларини эълон қилди.

Журналистнинг сўзларига кўра, бу энди АҚШ ва Россия ўртасидаги тўғридан-тўғри қарама-қаршилик сифатида тавсифланиши мумкин.

Дэвид Сангернинг таъкидлашича, дастлаб Америка етакчиси Жо Байден Қўшма Штатлар ва Россия ўртасидаги тўқнашувнинг олдини олиш ниятида эканлигини маълум қилган. Бироқ сўнгги пайтларда Америка расмийларининг риторикаси кескинлашди.

Журналистнинг қайд этишича, Вашингтоннинг Россияга нисбатан янги стратегияси АҚШ учун хавф-хатарга бой.