Өзбекстан Орталық банкі 15 наурыздан бастап айналымға шығар шетел валюталарының сумға байланысты жаңа бағасын жариялады. Онда доллардың ресми курсы 11 000 сумнан асқан.

Аптаның екінші күнінен сатылымға шығар ресми бағадағы 1 АҚШ доллары Орталық банк белгілеген соммада 34,97 сумға өсіп 11 033,03 сумға жеткен.

Еуро бағасы 53,80 сумға қымбаттап 1 еуро 12 116,47 сум боп белгіленген.

Ал, Ресей рубльі осыған дейінгі бағадан 3,02 сумға өсіп 97,81 сумды құраған болса, Қазақстан теңгесі 0,29 сумға қымбаттап және 21,15 сумға теңескен. 

Орталық банк аталған валюталарды осы бағада сату немесе сатып алу шартын өз міндетіне алмайды.