O‘zbekiston Respublikasi Sanitariya-epidemiologik osoyishtalik va jamoat salomatligi xizmatining yangi «Vaksinalar va immunoprofilaktika» bo‘limida informatsion resurslar va koronavirusga qarshi emlashni muvofiqlashtirish – Sall markazi ochilishiga bag‘ishlangan tadbir bo‘lib o‘tdi.

Call-markazi aholida vaksinatsiya bilan bog‘liq savollarga tezkorlik bilan javob qaytarishga mo‘ljallangan.  

Kelgusi yil respublikaga olingan vaksinalarni Qoraqalpog‘iston Respublikasi, Toshkent shahar, viloyatlarga sovuqlik zanjiriga rioya etgan holda yetkazib berilishida haroratni kuzatuvchi elektron monitoring amaliyotga tatbiq etilishi rejalashtirilgan.  

Shuningdek, immunizatsiya ishlari uchun mas’ul tibbiyot xodimlarining kasbiy malakasini ish joyida oshirish, vaksinalarni samarali boshqaruv, yuqumli kasalliklarni oldini olishda rejali va epid-ko‘rsatmaga muvofiq emlashlarni jadallashtirish, qizamiq, poliomiyelit yuqumli kasalliklarining chetdan kirib kelishi va uning tarqalishini oldini olishda chora-tadbirlarni takomillashtirish, aholi orasida emlashning ahamiyati, shaxslararo muloqot ko‘nikmalarini oshirish mavzusida o‘quv mashg‘ulotlar olib borilishi ko‘zda tutilgan.  

M.Qosimova,  

O‘zA