Өзбекстанда 12 мен 18 жас аралығындағы 287 мыңнан астам балалар ерікті түрде Pfizer/BioNTech вакцинасын қабылдады.

ДСМ-нің мәліметінше, 8 қарашадағы жағдай бойынша республикада 12 мен 18 жас аралығындағы 287 442 балаға ерікті түрде Pfizer вакцинасы егілді.

Атап айтқанда, Ферғана (72 705 доза), Наманган (56 600 доза), Әндіжан (34 733 доза) облыстарында балаларды коронавирусқа қарсы егу барысының қарқыны жоғары.

Ал, жаппай вакцинация бойынша ересектер арасында бүгінге дейін 28 170 887 дозалы вакцина қолданылған. 

Жалпы қолданылған екпенің І компонентін 14 649 315, ІІ компонентін 8 996 856, ІІІ компонентін алғандар 4 554 716 жеткені айтылады министрлік хабарында.