Өзбекстанда вакцинация сертификатын енді электронды түрде алуға болады.

Ақпараттық технологиялар және коммуникация министрлігінің хабарлауынша, Бірыңғай портал арқылы «Коронавирустық вакцинацияға» электронды түрде кезекке тұрудан бөлек, вакцина аяқталғаннан кейін тиісті сертификатты жүктеп алуға болады.

Онда, коронавирусқа қарсы толық вакцина алғандар арнайы сертификатпен мемлекеттік мекемелерге, мейрамханалар мен қоғамдық іс-шараларға бара алатыны айтылған.

«Тағы бір артықшылығы - сіз бұл қызметті «my.gov.uz» мобильді қосымшасы арқылы пайдалана аласыз, кез келген уақытта тіркеліп, электронды сертификатты жүктеп алу мүмкіндігі бар», - делінген хабарламада.