Өзбекстанда парламент сайлауына сайлауалды үгіт-насихат іс-шаралары жүргізілуде.

«УзЛиДеП» ұйымдары мен депутаттыққа үміткерлер сайлауалды кездесулерде партияның жаңа бес жылдық бағдарламасында көзделген мақсаттар мен міндеттер туралы сайлаушыларға ақпарат беріп келеді.

Жергілікті кездесулерде, партия алдағы бес жылда сапалы білім беру, медицина және әлеуметтік қорғауды қамтамасыз ету бойынша жүйелі жұмыстар жүргізуді мақсат етіп отыр. Тек білім беру саласында ғана әлемдегі «Топ-500» рейтингтегі шетелдік жоғары оқу орындарымен ынтымақтастықта кемінде 50 бірлескен оқу бағдарламасы мен «екі дипломдық жүйені» енгізу, жастарды «Топ-100» жаһандық тізіміне енген университеттерде оқыту үшін шетел валютасында ұзақ мерзімді және жеңілдікті несиелер беру тәжірибесін қолға алуды ұсынып отыр.

Сондай-ақ, партия сайлауалды бағдарламасында жоғары оқу орындарында ғылыми зерттеулердің нәтижелілігін арттыру және ғылыми әлеуетті 70 пайызға жеткізу, ғылымға бөлінген қаржыны 2030 жылға дейін ЖІӨ-де 10 есеге арттыру секілді мақсаттарды көздеп отыр. Жастардың бос уақытын мазмұнды ұйымдастыру мақсатында әрбір махаллаға «Тәуелсіз даму» орталықтарын құру партияның жастарға қатысты саясатына үндес.

Сонымен қатар, «УзЛиДеП» сайлауалды бағдарламасында жастар үшін арнайы тұрғын үйлер салу және жыл сайын 1000 жас отбасыға жеңілдікті ипотекалық несие беру ұсынысын жасады. Бұл өз кезегінде жас сайлаушылар тарапынан кең қолдауға ие болып отыр.