Республикалық Гидрометеорология орталығы «Узгидромет» алдағы демалыс күндеріне байланысты Өзбекстандағы ауа-райы болжамын жариялады.

Бүгін және ертең республикадағы ауа-райын төменгі қысым аймағы анықтайды. Бұл жағдайда Иран аумағынан өте құрғақ және жылы ауа енеді деп күтілуде.

Ауа температурасы күндіз 15-20 градусты ыстық, оңтүстікте 22-ні көрсетсе, түнгі уақытта 0-5 градус болады. Бұл климаттық нормадан 10-12 градус жоғары.

Жексенбіде Өзбекстан аумағына Каспий теңізі аймағынан бұлтты массив енеді, нәтижесінде бұлт күшейіп, күндізгі температура 13-16 градусқа дейін төмендейді, ал түнде 0-5 градус шамасында болады. Мұндай температура климаттық нормадан 5-7 градусқа жоғары.

Бұл күндер аралығында Өзбекстан тауларында қар көшкіні қаупі жарияланды. Ауа-райының күрт жылынуы көктем келді дегені емес. Келесі аптада суық күндер қайтады, - делінген хабарламада.