Республикалық Гидрометеорология орталығы «Узгидрометтің» хабарлауынша Өзбекстанда демалыс күндері ауа температурасы төмендейді деп күтілуде.

Бүгін және ертең Өзбекстан аумағына Ираннан жылы ауа массалары кіруі жалғасып, республикада жауын-шашынсыз ауа райы күтіледі. Ауа температурасы түнде 7-12, күндіз 21-26 градус болады. Бұл температура көпжылдық мөлшерден 2-3 градусқа жоғары.

Жексенбіде Кавказ аймақтарынан салқын ауа массаларының енуі нәтижесінде температура төмендейді деп күтілуде. Жауын-шашын болмайды. Температура түнде 7-12 градус шамасында, күндіз 17-22 ыстық болады.