Республикалық гидрометеорология орталығы «Узгидрометтің» хабарлауынша, бұл апта Өзбекстанда жаңбырлы ауа-райы күтілуде.

Жұмыс аптасының соңына дейін Иран мен Каспий теңізі өңірінен бірқатар ылғалды ауа массаларының келуіне байланысты республика аймақтарында тұрақсыз ауа райы сақталады.

Тек 10 наурызда республиканың басым бөлігінде жауын-шашын болмайды. Аптаның қалған күндерінде елдің барлық аймақтарында өткінші жаңбыр жауады деп күтілуде. Қарақалпақстан, Хорезм, Бұхара, Науаи облыстарында жауын-шашын аз жауып, жауын-шашын арасындағы үзіліс ұзақтау болады.

10-11 наурыз күндері кей жерлерде желдің жылдамдығы 17-22 м/с күшейеді. Аптаның бірінші жартысында ауа температурасы 11-16 градус шамасында болса, екінші жартысында ауа температурасы 18-21 градусқа дейін көтеріледі.

Республиканың таулы аймақтарында жауын-шашын жаңбыр және қар түрінде жауып, қар көшкіні жүру қаупін тудырады. Демалыс күндері, 12-13 наурызда жаңбырлы ауа-райы тұрақсыздығы сақталады.