Барчага маълум, бугун UZCARD тизимида носозлик юзага келгани боис, кўпчилик фойдаланувчилар UZCARD тизимидаги носозликлар ҳақида шикоят қилмоқда.

Бу ҳолатга UZCARD компанияси Матбуот хизмати куйдагича изоҳ берди.  

Ягона Республика процессинг маркази UZCARD ишидаги носозликларни профилактика ишларини олиб бориш билан боғлади.

Хабарда қайд этилишича, ягона умумреспублика процессинг маркази, 2024 йил 22 январь куни соат 00:30 дан 10:00 гача техник ва профилактик ишлар олиб борилиши сабабли ATM, E-POS, POS-терминалларда алоқа уланишида қисқа муддатли узилишлар, UZCARD инфратузилмасида халқаро тўлов тизимлари карталарига ҳамда хорижда кобейж карталарига хизмат кўрсатилишида узилишлар эҳтимоли ҳақида маълум қилади. Вақтинчалик ноқулайликлар учун узр сўралган.  

Ш.Маматуропова,  

ЎзА