Қашқадария облысында орналасқан ірі мұнай-газ кәсіпорны «REACH» сертификатын алды.

«Узбекнефтгаз» акционерлік қоғамының хабарлауынша, Еуропалық химия агенттігі (ECHA) тарапынан берілген бұл сертификат «Uzbekistan GTL» зауытында өндірілетін дизель отынын Еуропа нарығына кең көлемде және еркін экспорттауға жол ашады.

Сондай-ақ, бұл құжат «GSP+» жеңілдік жүйесі аясында өнім экспортын бірнеше есеге арттыру үшін жаңа мүмкіндіктер көкжиегін ашады.

Зауытта өндірілетін жоғары сапалы, экологиялық таза әрі қауіпсіз синтетикалық мұнай өнімдері – дизель отыны, авиациялық керосин, нафта және басқа да жанармай түрлері қазіргі таңда Эстония, Румыния, Нидерланд, Ресей, АҚШ, Грузия, Біріккен Араб Әмірліктері, Қырғызстан және Тәжікстанға экспортталуда.

Айта кету керек, бұл сертификат тек жергілікті өндірістің халықаралық нарықтағы беделін арттырып қана қоймай, сондай-ақ Өзбекстанның экспорттық әлеуетін күшейтіп, сыртқы экономикалық байланыстарын кеңейтуге бағытталған маңызды қадам саналады.