"Uzbekistan Airways" матбуот хизматининг хабар беришича, авиакомпаниянинг Тел-Авивдан Самарқанд ва Тошкентга учиши режалаштирилган рейси Эроннинг Исроил ҳудудини ўққа тутгани сабаб кечиктирилди. Тахминан икки соатлик кечикишдан сўнг самолёт Ўзбекистонга етиб келди.

1 октябрь куни "Uzbekistan Airways" авиакомпаниясининг HY304 Тел-Авив – Самарқанд – Тошкент рейси бўйича Boeing 767 самолётининг парвози Яқин Шарқдаги вазиятнинг кескинлашуви ва ҳаво ҳудудининг бир қисми ёпилгани сабабли мажбурий кечиктирилди, дейилади хабарда.

"Flighradar 24" хизмати маълумотларига кўра, жўнаб кетиш режадагидек 20:15 эмас, 22:14 да амалга оширилган. Самолёт Самарқандга 2 октябрь куни соат 02:45 ўрнига 04:40 да, Тошкентга эса 04:50 ўрнига, 06:16 да етиб келган.

Ш.Маматуропова, ЎзА