2021 жылдың 29 мамырынан бастап, аптаның сәрсенбі мен сенбі күндері ««Uzbekistan Airways» әуе компаниясы Үргеніштен Қазақстанның Ақтау қаласына тұрақты рейстерді жолға қояды.

Көлік министрлігі баспасөз қызметінің хабарлауынша, Үргенч - Ақтау бағыты бойынша билет құны 1 099 000 сумға бағаланған. Үргенч - Ақтау - Үргенч бағытында билет бағасы 1 880 000 сум боп белгіленген. 

Еске сала кетейік, Қазақстанның SCAT авиакомпаниясы Ақтау - Үргеніш - Ақтау бағыты бойынша тұрақты рейстерді жолға қойып, осы жылдың 8-ші наурызында әуе маршруты осы бағыт бойынша алғашқы рейсін жасаған болатын.