Вашингтонда бўлиб ўтган «C5+1» саммити доирасида Uzbekistan Airways ва Boeing авиакомпаниялари ўртасида 8 та Boeing 787-9 Dreamliner  самолётига буюртмани конвертация қилиш бўйича шартномани имзолаш маросими бўлиб ўтди.

Ҳужжатни Uzbekistan Airways  авиакомпанияси бошқаруви раиси Шуҳрат Худойқулов ва Boeing авиакомпаниясининг  савдо ва маркетинг бўйича вице-президенти  Пол Риги имзолади.

Ўзбекистон авиаташувчиси  жами 22 та замонавий Boeing 787-9 Dreamliner  самолётига  буюртма берди. Янги самолётлар  халқаро йўналишлар тармоғини кенгайтириб, авиакомпаниянинг жаҳон бозоридаги мавқеини мустаҳкамлашга  хизмат қилади. 

Роман БОНДАРЧУК тайёрлади, ЎзА