"Uzbekistan Airways" авиакомпанияси Мустақиллик байрами муносабати билан маҳаллий йўналишларга байрам чегирмасини эълон қилди. Бу ҳақда "Uzbekistan Airways" авиакомпанияси матбуот хизмати хабар берди.

Хабарда қайд этилишича, авиакомпаниянинг 1 сентябрдан 3 сентябргача амалга ошириладиган барча маҳаллий рейсларининг авиачипталарига 50 фоизлик чегирма тақдим этилади. Чегирма Let L-410 ҳаво кемаларида амалга ошириладиган авиақатновлар учун амал қилмайди.   

Маълумот ўрнида айтиш жоиз, ҳозирча Мустақиллик байрами арафасида ўзбекистонликлар неча кун дам олиши маълум эмас.  

ЎзА