“UzAutoMotors” носозликларни текшириш учун 3 та моделдаги машиналарни "чақириб олмоқда"
UzAuto Motors 2021 йил 5-17 декабрь оралиғида ишлаб чиқарилган Nexia, Cobalt ва Lacetti автомобилларини "чақириб олиш" дастурини эълон қилди, дея хабар берди компания матбуот хизмати.
Қайд этилишича, "чақириб олиш" дастури автомобилларнинг орқа ойна иситиш тизимини текшириш зарурати билан боғлиқ.
Барча ишлар UzAuto Motors АЖ ходимлари томонидан дилерлик марказларининг сервис хизматида ишлаб чиқарувчининг маблағлари ҳисобидан амалга оширилади. Автомобилларни "чақириб олиш" дастурига тўғри келган барча автомобиль эгалари дилерлик марказлари ёки компания томонидан огоҳлантирилади.
ЎзА