UzAuto Motors биыл жаңа Chevrolet Tracker және келесі жылдың басында Chevrolet Onix көліктерін сатылымға шығармақ.

Бұл туралы компанияның Бас директоры Бо Андерссон БАҚ өкілдеріне берген сұхбатында мәлімдеген.

Оның айтуынша биыл нарыққа жаңа Chevrolet Tracker нұсқасы шығады. Техникалық қауіпсіздік жағынан темір тұлпар алты қауіпсіздік жастықшасы және жол-көлік апаты бойынша бес жұлдызды рейтингке ие.

Сонымен қатар компания келесі жылдың басында Chevrolet Onix көліктерін сатылымға шығармақ. Бұл көліктің техникалық сипаттамасында дәл Chevrolet Tracker сынды қауіпсіздіктер қарасытырылған болып, екі көлікте де заманауи қондырғылар, Wi-Fi және тоқтауға көмектесетін сенсормен жабдықталады. Жанармай шығыны бойынша - 100 шақырымға 6 литр отын жұмсайды.