Муносабат

Эзгу мақсадлар ислоҳотларга чорлайди, тараққиёт эса ҳамиша ҳалолликка таянади. Президентимиз томонидан 26 декабрь куни Олий Мажлис ва Ўзбекистон халқига Мурожаатнома тақдим этилди. Унда давлатимиз раҳбари кўплаб йўналишларга тўхталар экан, юрт тараққиётига зарар етказувчи иллат – коррупциянинг салбий оқибати ва унга қарши курашишда якдилликнинг аҳамиятига ҳам урғу берди.

– Коррупция – давлат тараққиётига тўсиқ бўладиган, адолат ва қонун устуворлигини издан чиқарадиган, жамиятда ишонч муҳитини заифлаштирадиган энг жиддий таҳдид. Коррупцияга йўл қўйиш эса ислоҳотларимизга хиёнатдир! Бу иллатга қарши курашиш бўйича 2026 йилда “фавқулодда ҳолат” эълон қиламиз – деди Президент.

– Президентимизнинг Мурожаатномаси биз кутгандан ҳам самарали бўлди. Бу ҳар йили амалга оширилувчи одатга айланди, десак, муболаға бўлмайди, – дея фикр билдиради Ўзбекистон мусулмонлари идораси раиси, муфтий Шайх Нуриддин Холиқназар. – Мурожаат, деганда аслида Президентимизнинг қалбидаги юрт учун қилган орзулари, истакларининг халқимизга изҳори деб айтишимиз мумкин. Бугун ҳамма жабҳа ҳақида сўз юритилди. Қувонарлиси эса бизнинг шу пайтга қадар эришган ютуқларимиз кўламининг кенглигидир. Иқтисод, сиёсат, ижтимоий хизматлар, таълим – буларнинг барчаси аҳоли фаровонлиги, ёшларимиз келажаги учун қилинган ишлардир.

Шу билан бирга, коррупцияга қарши курашишда бирлашиш масаласига алоҳида тўхталгани ҳам Давлат раҳбарининг юрт тақдирига ҳамиша қайғуришидан яна бир бор далолатдир. Бу йўлда ҳамфикрликда бўлишга чорлаётгани ҳам муҳим ҳақиқат.

<iframe width="650" height="420" src="https://www.youtube.com/embed/X2TTxBS6iuc" title="Ustuvor yo‘nalishlar bo‘yicha birlashsak, inson qadri yanada yuksalaveradi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдулазиз РУСТАМОВ ёзиб олди, ЎзА