Термиз шаҳридаги “Ёш чегарачилар” ҳарбий-академик лицейида “Маърифат” тарғиботчилари жамияти аъзолари, фаол жамоатчилик вакиллари, зиёлилар, ёшлар ҳамда ҳарбий соҳа ходимлари иштирокида маърифий учрашув бўлиб ўтди.

Тадбирда Президентимиз Шавкат Мирзиёевнинг Олий Мажлис ва Ўзбекистон халқига йўллаган Мурожаатномасининг мазмун-моҳиятини аҳолининг кенг қатламига етказиш, шунингдек, мамлакатимиз ҳарбий хавфсизлиги ва мудофаа салоҳиятини янада мустаҳкамлашга қаратилган устувор вазифалар хусусида атрофлича фикр алмашилди.

Учрашув давомида Янги Ўзбекистонда барча соҳаларда амалга оширилаётган кенг кўламли ислоҳотлар, уларнинг кундалик ҳаётимизда намоён бўлаётган ижобий натижалари алоҳида эътироф этилди. Бугунги мураккаб геосиёсий жараёнлар шароитида энг бебаҳо неъмат – тинчликни  асраш, ташқи таҳдидлар ва мафкуравий хуружлар даврида маънан огоҳ ва ҳушёр бўлиш, маърифатни мустаҳкам тутиш ҳар қачонгидан ҳам муҳим экани таъкидланди.

<iframe width="640" height="420" src="https://www.youtube.com/embed/XTbwmmek77E" title="Ustuvor vazifalar muhokama etildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат, видео), ЎзА