Дунёда касблар жуда кўп, ҳар бирининг ҳаётда ўз ўрни, ўз аҳамияти бор. Лекин улар орасида шундай бир улуғ касб борки, бошқа барча касблар унинг негизида шаклланади ва тараққий этади. Бу ўқитувчилик касбидир.

Устоз, муаллимлик касбларнинг энг машаққатлисидир. Кимдир эътироз билдириши мумкин, шифокорлик ёки ҳарбийлар иши ундан ҳам қийин, дея. Тўғри, кишилар саломатлиги посбони ёхуд эл тинчлиги қўриқчиси бўлиш энг шарафли касблардан эканига шубҳа йўқ. Лекин, аслида шифокорни ҳам, аскарни ҳам мураббий тарбиялайди, муаллим етиштиради.  

Ёшлигимиздан қўлимизни қаламни тўғри ушлатиб, ҳарф ўргатган устоз ва мураббийларимизни кўрганимизда кўнглимиздан “У менинг биринчи ўқитувчим” деган ўйлар ўтади. Жамиятда эришаётган ютуқларимиз замирида устозларимиз берган сабоқлар ётганини дилдан ҳис қиламиз.  

Ўзбекистон давлат ёш томошабинлар театри актёрлари Асқар Ҳикматов ва Бахтиёр Турғунов ўз устозларини бирма-бир ёдга олишар экан, эришган ҳар бир катта-кичик ютуқларида устозларнинг ўрни борлигини қайта-қайта таъкидлаб ўтдилар.

<iframe width="560" height="315" src="https://www.youtube.com/embed/d4vHizVY6eA?si=eiKh7ve6mQgT287i" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов, ЎзА