Guliston shahridagi "Zomin" tantanalar uyida O‘qituvchi va murabbiylar kuniga bag‘ishlangan bayram tadbiri bo‘lib o‘tdi.

Sirdaryo viloyati  hokimi Akmaljon Mahmudaliyev davlatimiz rahbarining bayram tabrigini o‘qib eshittirdi.

Prezident farmoniga muvofiq ta’lim-tarbiya tizimida alohida o‘rnak ko‘rsatgan, tizimdagi ko‘p yillik samarali mehnati ham soha rivojiga qo‘shgan munosib hissasi, faolligi va yuksak insoniy fazilatlari bilan namuna bo‘layotganligi uchun davlatimiz orden va medallari bilan taqdirlangan bir guruh o‘qituvchilarga mukofotlar tantanali tarzda topshirildi.

[gallery-13836]

Sohadagi faoliyati davomida yuqori ko‘rsatkichlarga erishayotgan ustoz va murabbiylar, yosh pedagoglar “Xalq ta’limi fidoyisi”, “Xalq ta’limi a’lochisi”, “O‘rta maxsus va professional ta’lim a’lochisi”, "Sirdaryo viloyatining 60 yilligi" ko‘krak nishonlari bilan taqdirlandi.

Taqdirlanganlar nomidan so‘zga chiqqanlar mazkur e’tirof o‘zlaridagi mas’uliyat hissini yanada oshirgani hamda kelgusida soha rivoji yo‘lida samarali mehnat qilishga undashini alohida uqtirishdi.

Bayram tantanasi san’at ustalarining ustozlarni madh etuvchi kuy va qo‘shiqlari bilan yakunlandi.

Sh.Suyarov, Sh.Ortiqboyev,(surat),

O‘zA muxbirlari.