Ауыр салмақтағы абсолютті әлем чемпионы атағы үшін британдық Тайсон Фьюри мен украиналық Александр Усик арасындағы жекпе-жек 2024 жылдың 17 ақпанында өтеді.

ESPN хабарлауынша, «Ғасыр шайқасы» деп аталатын тарихи шайқас Сауд Арабиясының астанасы Ар-Риязда өтеді деп жоспарлануда.

Бұған дейін жекпе-жек желтоқсан айында өтеді деп жоспарланған болатын. Бірақ Фьюридің промоутерлері оған франциялық Фрэнсис Нганнумен қазан айында өткен жекпе-жектен кейін қалпына келіп, дайындалу үшін көбірек уақыт қажет екенін айтты.

35 жастағы британдық Фьюри WBC чемпионы болса, 36 жастағы украиналық Усик WBA, WBO және IBF титулдарының иегері.

Жеңімпаз төрт белбеу дәуіріндегі бірінші ауыр салмақтағы абсолютты чемпион атанды. 2008 жылы кәсіпқой болғаннан бері Фьюри 33 жекпе-жек өткізіп, бір рет тең түскен. Усық кәсіпқой рингте өткізген 21 жекпе-жектің барлығында жеңіске жеткен.