“Сардоба” сув омборида юзага келган ҳалокат юртдошларимизни янада жипслашишга, ўзаро меҳр-оқибат намуналарини кўрсатишга ундамоқда. Сардоба,Оқолтин ҳамда Мирзаобод туманларидаги ишчи хизматчиларга Сирдарё туманидаги “Baxtteks farm” корхонаси томонидан беғараз ёрдам сифатида “Саховат карвони” юборилди.

Сирдарё тумани ҳокимлиги ва туман прокуратураси ташаббуси билан “Baxtteks farm” корхонаси ҳамкорликда “Сардоба” сув омборини ўпирилиши натижасида талофат кўрган ҳудудларни таъмирлаш-қурилиш ишларини амалга оширишга келган ишчи хизматчиларга умумий қиймати 500 миллион сўмга яқин тиббий ниқоблар ортилган юк автомашинаси беғараз ёрдам сифатида юборди.