Хоразм вилоятининг Урганч шаҳрида ташкил этилган “Солиқ форуми – 2026” бизнес мулоқотда 500 нафардан ортиқ тадбиркорлар, ҳисобчилар ҳамда йирик солиқ тўловчилар, фаол ёшлар иштирок этиб, жорий йил солиқ қонунчилигига киритилган 110 дан ортиқ янгилик ва ўзгартишлар хусусида батафсил сўз юритилди.

Солиқ маъмурчилигини соддалаштириш, яширин иқтисодиётнинг олдини олиш, шаффофликни таъминлаш ҳамда ихтиёрий солиқ тўлашни рағбатлантириш масалаларига алоҳида эътибор қаратилди. Форум доирасида мазкур йўналишларда амалга оширилаётган ва режалаштирилаётган муҳим ўзгаришлар оддий ва тушунарли тарзда изоҳлаб берилди.

[gallery-27576]

– Бугунги учрашув бу ишонч, очиқлик ва ўзаро ҳамкорликни мустаҳкамловчи муҳим тадбир бўлди деб биламан, – дейди Хоразм вилояти солиқ бошқармаси бошлиғи Шуҳрат Саидов. – Жорий йилда солиқ қонунчилигига 110 та ўзгаришлар киритилди. Бугунги тадбирда уларнинг деярли барчаси тушунтирилди. Тадбиркорлар ҳам ўзларини қизиқтирган саволларга жавоб олди. Уларнинг кўпчилиги яратилган имкониятлардан мамнун эканликларини билдирди.  

Тадбир якунида 10 нафардан ортиқ намунавий солиқ тўловчилар эътироф этилиб, Солиқ қўмитаси раисининг ташаккурнома ва эсдалик совғалари топширилди.

<iframe width="650" height="420" src="https://www.youtube.com/embed/1pUErN5HfG8" title="Urganch tadbirkorlar uchun ochiq muloqot maydoniga aylandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Аҳмаджон Шокиров, Беҳзод Саидов (сурат, видео), ЎзА мухбирлари