Ўзбекистон Республикаси Президентининг “Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси фаолиятини ташкил этиш чора-тадбирлари тўғрисида”ги қарори қабул қилинди.

Мазкур қарорни қабул қилишдан бир қатор муҳим мақсадлар кўзланган. Қуйида уларнинг баъзиларига қисқача тўхталамиз.

Урбанизация ва уй-жой соҳасида давлат бошқаруви самарадорлиги оширилади. Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси фаолияти ташкил этилади.

Энди давлат органи масъулияти оширилади. Шундай тартиб ўрнатиладики, унга кўра тегишли масалаларни ўз ичига олган норматив-ҳуқуқий ҳужжатлар лойиҳалари Миллий қўмита билан мажбурий келишилиши шарт бўлади.

Бу масалалар сирасига, уй-жойлар қурилишида давлат томонидан қўллаб-қувватлаш чоралари, Нукус ва Тошкент шаҳарлари, вилоятлар марказлари ва бошқа агломерацияларда уй-жой ҳамда нотурар жой мажмуаларини қуриш лойиҳаларини амалга ошириш киради.

Шунингдек, “Янги Ўзбекистон” массивлари ва бошқа массивларда кўп квартирали уйлар қурилиши бўйича йиллик мақсадли кўрсаткичлар тасдиқланади.

ЎзА