Qoraqalpoq davlat universitetida "Korrupsiya – milliy-ma’naviy xavfsizlikka tahdid" mavzusida huquqiy targ‘ibot tadbiri bo‘lib o‘tdi. Unda majburiy ijro byurosi Qoraqalpog‘iston Respublikasi boshqarmasi xodimlari va talabalarning ota-onalari ishtirok etdilar.

Tadbir mobaynida sud va boshqa organlar qarorlarini ijro etishda qonunchilik talablariga to‘liq rioya qilish, korrupsiyaning oldini olish, qonun buzilishlar, ularning sabab va shart-sharoitlarini bartaraf etish bo‘yicha atroflicha tushuntirish berildi.

Qolaversa, ota-onalar tomonidan aholining huquqiy bilimini o‘stirishda xodimlar faolligini oshirish bo‘yicha fikr-mulohazalarini bildirilgan.

Maftuna KARIMOVA, O‘zA