Хитойда давом этаётган Универсиада ўйинларининг икки кунлик баҳслари якунланиб, бугун учинчи кунги беллашувларга старт берилди.

Ортда қолган мусобақалар сарҳисобига кўра, мамлакатимиз талаба-спортчилари 2 та кумуш ва 1 та бронза медалларини қўлга киритиб, умумжамоада 14-ўринда бормоқда.    

Юздан зиёд давлатнинг талаба-спортчилари қатнашаётган Универсиада ўйинларида ҳозирча умумжамоа ҳисобида Хитой, Япония, Жанубий Корея жамоалари пешқадамлик қилмоқда.  

Бугун, 31 июль кунги мусобақаларда 13 нафар спортчимиз Универсиада мусобақаларидаги иштирокини бошлайди.  

Хусусан, дзюдочиларимиздан Фарангиз Холмуродова, Фотима Қурамбоева, Муҳаммадали Тангриев, Муҳаммадқодир Мансуров, Исломбек Равшанқулов, таэквондочиларимиздан Омонжон Отажонов, Диёрбек Тўхлибоев, Мадина Мирабзалова ўз вазнларида медаллар учун кураш олиб борса, ушучимиз Сайдулло Абдурашитов чорак финалда индонезиялик Лаксамана Прата билан куч синашади.    

Теннисчиларимиз Омина Валихонова, Насиба Эсполова, Максим Шин ва Сергей Фомин яккаликда иккинчи давра ўйинларини ўтказади.    

Т.Рўзиев,  

ЎзА