Өзбекстан Республикасы Президенті жанындағы Әлеуметтік қорғау ұлттық агенттігінде БҰҰ Балалар қорының (UNICEF) Өзбекстандағы өкілдігінің басшысы Регина Мария Кастижиомен кездесу өтті.

Агенттік мәліметінше, кездесуде UNICEF пен Агенттік арасындағы қазіргі және перспективалық ынтымақтастық жобалары талқыланды. 

UNICEF Әлеуметтік қорғау ұлттық агенттігінің қызметін жоғары бағалады. Агенттік құрылған күннен бастап оған үздіксіз қолдау көрсетіп келе жатқаны, оның білім, халықаралық тәжірибе, техникалық қолдау мен мамандарды тартудағы күш-жігері атап өтілді. 

Әлеуметтік қызметтерді көрсетуде кейс-менежмент жүйесін енгізу бойынша сәтті бастамаға, сондай-ақ әлеуметтік қорғау жүйесі қызметкерлерінің біліктілігін арттыруға бағытталған іс-шаралардың ауқымын кеңейтуге ерекше назар аударылды.

Балаларға әлеуметтік қызмет көрсетудің кешенді жүйесін құрудың маңыздылығы атап өтілді.

Кездесу соңында тараптар алдағы уақытта тиімді ынтымақтастық қарым-қатынастарын нығайтуға сенім білдірді.