Уляновскда юз берган йирик автоҳалокат қурбонлари 15 кишига етди
Россиянинг Уляновск вилоятида юз берган микроавтобус ва иккита юк машинаси иштирокидаги автоҳалокат натижасида 15 киши ҳалок бўлган, деб ёзмоқда РИА Новости.
Аввалроқ 11 киши ҳалок бўлгани ҳақида айтилган эди. Қутқарувчилар берган маълумотга кўра, юк автомобили ҳайдовчиси қарши йўлга чиқиб кетган ва микроавтобусга бориб урилган.
Тезкор хизмат ходимларининг айтишича, дастлабки маълумотларга кўра, ҳалок бўлганлар ва жароҳат олганлар Қозоғистон фуқаролари бўлган.