Бутунжаҳон таэквондо федерацияси (WТ) "Париж-2024" Олимпиадаси учун лицензион рейтинг очколарини жамғариш даври якунлангани ва у орқали Олимпиада йўлланмасини қўлга киритган спортчилар номини эълон қилди.

Унга кўра, таэквондо WT бўйича Ўзбекистон терма жамоаси аъзолари Улуғбек Рашитов (-68 кг.) ва Светлана Осипова (+67 кг.) “Париж-2024” Олимпия ўйинларига йўлланмани қўлга киритди.

Қайд этиш жоиз, ҳамюртларимиз биринчи бор рейтинг орқали иккита йўлланмага эга бўлди. Шунингдек, қизларимиз ҳам илк маротаба тўғридан тўғри Олимпиада иштирокчисига айланмоқда. Умид қиламизки, спортчиларимиз тўрт йилликнинг энг нуфузли мусобақасида юксак натижа қайд этади.

Жавоҳир Тошхўжаев, ЎзА