Неча юз йиллардан буён Алишер Навоий бадиий-илмий мероси инсоният маънавияти йўлида хизмат қилиб келмоқда.

Биз ҳазрат Навоийни ғурур билан — Шамсул миллат, Шамсул қалб, деб атаганимизда унинг болаликдан токи умрининг охиригача қилган ишлари, фаолияти ва бутун дунё хазинасидан-да ноёб бўлган адабий, маънавий, маданий меросини назарда тутамиз. Шунинг учун ҳам Навоийни англаш, деган жумла жуда катта мақом ва маънога эга эканлигини ёддан чиқармаслигимиз керак.

Буюк ўзбек шоири, мутафаккир ва давлат арбоби Низомиддин Мир Алишер Навоий таваллудининг 585 йиллиги муносабати билан Алишер Навоий номидаги Ўзбекистон Миллий кутубхонасида "Навоийни англаш – ўзликни англаш демак..." тадбири бўлиб ўтди.

Тадбир давомида буюк шоирнинг ижоди, ўша давр сиёсатидаги тутган ўрни, аҳоли мурожаатлари билан ишлашдаги тажрибаларининг бугунги кундаги аҳамияти ҳақида сўз юритилди.

Бу каби тадбирлар Ҳазрат Навоий ижодий меросини чуқур ўрганиш, унинг умуминсоний ғоялари ва маънавий қарашларини кенг жамоатчиликка етказиш, айниқса, ёшлар онгида миллий ўзлик ва маънавий қадриятларни мустаҳкамлашга қаратилган десак муболаға бўлмайди.

Батафсил:

<iframe width="640" height="420" src="https://www.youtube.com/embed/Znv1ywse5jU" title="Navoiyni anglash – o`zlikni anglash demakdir " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева,

Нишонбой Абдувоитов, ЎзА