FOTOREPORTAJ

Andijon tumani Bo‘taqara qishlog‘idagi Sulaymon Polvon maydonida Qishloq xo‘jaligi xodimlari kuni munosabati bilan katta uloq-ko‘pkari musobaqasi bo‘lib o‘tdi. 

Uloq-ko‘pkari  – milliy an’analarimizda muhim o‘rin egallaydigan va polvonlar mahoratini namoyon etuvchi bellashuv. Polvonlar tezlik, mahorat va jasorat bilan maydonni to‘ldirib, tomoshabinlar yuragida quvonch uyg‘otdi. Musobaqa davomida eng yaxshi polvonlar tomoshabinlar tomonidan olqishlar bilan qo‘llab-quvvatlandi. 

[gallery-26726]

Qo‘shni davlatlardan ham polvonlar ishtirok etgan musobaqa keskin va murosasiz bahslarga boy bo‘ldi. Sovrinlar nafaqat qimmatbaho buyumlar, balki an’anaviy qadriyatlarga bo‘lgan hurmat ramzi sifatida taqdim etildi. Mazkur musobaqa nafaqat polvonlarning mahoratini namoyon qildi, balki millat ruhi, birdamlik va shodlikni barchaga his ettirdi. Uloqning tezligi, polvonlar mahorati va maydondagi quvonch tomoshabinlar qalbiga kirib, milliy sportimizning jonli meros sifatida avlodlarga yetkazilishini yana bir bor isbotladi. 

Zuhriddin UMURZOQOV (surat), O‘zA