Украинаның әуе компаниясына тиесілі «Антонов» жүк ұшағы сенбі күні кешке Грекияның солтүстігіндегі Кавала қаласына жақын жерде апатқа ұшырады.

Associated Press басылымының хабарлауынша, ұшақ Сербиядан Иорданияға ұшып бара жатқан болып, апат салдарынан ұшақ бортындағы 8 экипаж мүшелерінің барлығы қаза тапқан.

Греция армиясының арнайы ядролық, биологиялық және химиялық іздестіру бөлімі ұшақ құлаған жерде жарылғыш заттар мен химиялық заттардың бар-жоғын тексереді деп күтілуде.

Сақтық шарасы ретінде апат орнынан шыққан күшті иіске байланысты полиция және өрт сөндіру бөлімінің өкілдерінен тұратын үйлестіру комиссиясы апат орнына жақын орналасқан елді мекеннің тұрғындарына үй терезелерін жабық ұстауға және маска киуді таспсырған.