Украинанинг биринчи Президенти Леонид Кравчук 88 ёшида оламдан ўтди, деб хабар тарқатди "Украина янгиликлари” агентлиги.

"Украинанинг биринчи Президенти Леонид Кравчук узоқ давом этган касалликдан сўнг 10 май куни вафот этди", – дейилади хабарда. 

Кравчук 1991 йил декабрда Украинанинг биринчи Президенти этиб сайланган, бир ҳафта ўтгач, у Беловеж битимини имзолади. 1994 йил июлда Кравчук муддатидан аввал президент сайловини ўтказишга рози бўлди ва Леонид Кучмага ютқазди.  

Кравчук президентлик қилган даврда, яъни 1992-1993 йилларда Украина мустақиллигидаги энг биринчи иқтисодий инқирозни бошдан кечирган.  

Кравчук 2016 йилда ўтказган матбуот анжуманларининг бирида “Украина собиқ иттифоқни барбод қилган давлат бўлганидан фахрланса арзийди”, деганди.