Европа Иттифоқи мамлакатлари Украинанинг молиявий ва ҳарбий эҳтиёжларини қондириш учун 90 миллиард евро кредит ажратиш бўйича келишувга эришди, деб хабар берди Evronews.

Брюссель Киевни ташқи ёрдамнинг кескин камайишидан ҳимоя қилиш учун апрель ойидан биринчи тўловни амалга оширишни режалаштирмоқда.

Кредит доирасида Украина 30 миллиард еврони бюджет эҳтиёжлари, 60 миллиард еврони эса қурол-яроғ ва ўқ-дори сотиб олиш учун олади.  

Қурол-яроғ ва ўқ-дори хариди музокаралардаги баҳсли масалалардан бўлди, дейиш мумкин. Франция имкони борича Европа ташқарисидан қурол харидини чеклашни талаб қилди. Агарда, керакли ускуналар Европа Иттифоқи мамлакатларида топилмаса, Киевга АҚШ каби бошқа бозорларга мурожаат қилишга рухсат берилади.

90 миллиард евро босқичма-босқич,қатъий шартлар асосида ажратилади. Масалан, Украинада коррупцияга қарши курашда орқага чекиниш кузатилса, ёрдам тўхтатилиши мумкин.  

Украинадан ушбу 90 миллиард евролик қарзни қайтариш Россия урушни тўхтатиб, етказилган зарарни қоплаган тақдирдагина  талаб қилинади.

<iframe width="650" height="420" src="https://www.youtube.com/embed/d-dMB5D65Dw" title="Ukrainaga 90 milliard yevro kredit beriladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Искандар Исматов, ЎзА