Түркияның Baykar компаниясы Украинада дрон шығаратын зауыт құрылысын бастады. Компания TВ2 немесе TВ3 Bayraktar дрондарын шығарады.

Бұл туралы Сауд Арабиясында өткен қару-жарақ көрмесі кезінде компания басшысы Холук Байқар айтты. Оның айтуынша, зауыт Киев маңында салынып жатыр.

«Біздің зауыт салынып жатыр (...) Құрылысты аяқтау үшін бізге шамамен 12 ай қажет, содан кейін біз ішкі арматура, жабдық және ұйымдық құрылымға көшеміз. Украинадағы зауыт үлкен, біз 500-ге жуық қызметкерді жұмыспен қамтуды жоспарлап отырмыз», - деген ол.

Reuters агенттігінің хабарлауынша, Холук Байқар жаңа зауыт жылына шамамен 120 дрон шығара алатынын айтқан.